İftar Süfrəsi üçün 3 Möhtəşəm Resept: Bulqur şorbası, Bolonez Spagetti, Revani

İftar Süfrənizi Zənginləşdirin: 3 Ləzzətli Resept

Ramazan ayında iftar süfrənizi fərqli və dadlı yeməklərlə bəzəmək istəyirsinizsə, bu reseptlər tam sizə görədir. Həm asan hazırlanan, həm də doyurucu olan bu yeməklər, ailəniz və qonaqlarınız tərəfindən çox bəyəniləcək.

1. Bulqur Şorbası

Ərzaqlar:

• 4 x.q. bulqur
• 1 x.q. zeytun yağı
• 2 x.q. kərə yağı
• 1 baş soğan (xırda doğranmış)
• 2 x.q. un
• 2 x.q. tomat pastası
• 1 ç.q. qırmızı bibər pastası
• 1 stəkan soyuq su
• 4 stəkan toyuq bulyonu
• 1 ç.q. nanə
• 1 ç.q. qırmızı bibər
• Duz

Hazırlanması:

1. Bulquru suda bişirin.
2. Qazanda zeytun və kərə yağını əridin, soğanı qovurun.
3. Unu əlavə edib qovurun, sonra tomat pastasını əlavə edin.
4. Bulyon və suyu əlavə edin, qarışdırın.
5. Bişmiş bulqur və ədviyyatları əlavə edin, 5 dəqiqə qaynadın.
6. Servis zamanı üzərinə nanə səpin.

2. Bolonez Spagetti

Ərzaqlar:

• 1 paket spagetti
• 250-300 q qiymə
• Yarım st. bitki yağı
• 2 diş sarımsaq
• 2 soğan
• 3 pomidor
• 2 yerkökü
• 1 x.q. tomat pastası
• Duz, zirə, istiot, kəklikotu

Hazırlanması:

1. Soğan və yerkökünü yağda qovurun.
2. Qiyməni əlavə edib qovurun, sarımsağı əlavə edin.
3. Tomat pastası və püre halına salınmış pomidorları əlavə edin.
4. Su əlavə edərək vam odda bişirin.
5. Ədviyyatları əlavə edin.
6. Spagettinin üzərinə tökün.

3. Tavada Revani

Ərzaqlar:

• Şərbət üçün: 1.5 st. şəkər, 2 st. su, limon suyu
• Xəmir üçün: 2 yumurta, 1 st. şəkər, 1 st. qatıq, 1 st. yağ, 1 st. manna, 1 st. un, qabartma tozu, vanil

Hazırlanması:

1. Yumurta və şəkəri çalın.
2. Qatıq, yağ, manna, un, qabartma tozu və vanili əlavə edin.
3. Yağlanmış tavaya tökün, vam odda bişirin.
4. Şərbəti hazırlayın, soyudun.
5. Revani ilıqlaşanda şərbəti tökün.